Биыл Ақтауда 10 балалар ойын алаңын қалпына келтіру жоспарланып отыр

Бұл туралы Ақтау қалалық ТҮКШ бөлімі басшысының орынбасары Алпысбай Таубаев мәлім етті.

Айтуынша қаражат жергілікті бюджеттен бөлінеді деп жоспарланған. 

"2020 жылы 3а-25, 3-44, 4-22, 4-58, 11-3, 14-40, 31б-30, Рауан және Приморский тұрғын үй массивіне 9 ойын алаңына жөндеу жұмыстары жүргізілді. Бүгінгі күні толықтай жұмыстар аяқталып, пайдалануға берілді. Енді қаражат бөлінсе осы жылы халық игілігі үшін сұранысқа сай жаңадан тағы 10 ойын алаңын қалпына келтіруді бастаймыз",-деді Алпысбай Таубаев.

Ақтауда барлығы 264 балалар ойын алаңы бар. Оның 124-і жөндеуді қажет етеді.