Автокөліктің жұмыс техникасымен соқтығысуы нәтижесінде Маңғыстауда үш адам қаза болды

Жұмыс техникасымен автокөліктің соқтығысуы салдарынан үш жас жігіт көз жұмған, ал біреуі ауыр халде ауруханада жатыр. 

Жол-көлік оқиғасы бүгін 1-ші ақпан күні «Жаңаөзен-Қызылсай» автожолында орын алған. Ол жерде жеңіл автокөлік пен трактор соқтығысқан. 

-Жедел жәрдем қызметіне шақырту таңғы 07 сағат 36 минутта келіп түскен. Маңғыстау облыстық жедел және шұғыл медициналық көмек бригадасына шақырту 07:38 минутта жолданған. Оқиға орнына 2 бригада аттанған. Зардап шеккендер саны – төртеу. 22 жастағы жігіт «миы шайқалған және басынан жабық жарақат алған» деген диагнозбен Жаңаөзендегі көпбейінді қалалық ауруханаға жеткізілген. 

Қалған 1996-1997 жылы туылған үш жас жігіт оқиға орнында ауыр жарақат салдарынан көз жұмған,- деп мәлімдейді Маңғыстау облысының денсаулық сақтау басқармасының баспасөз қызметі.

Сурет spectrum-gps.kz сайтынан