Жаңаөзен қаласы бойынша жыл басынан бері 3 854 жаңа жұмыс орны құрылған

Мемлекеттік атаулы әлеуметтік көмек төлеу бойынша Жаңаөзен қаласына жергілікті және республикалық бюджеттен 2019 жылға 674,5 млн.теңге бөлініп, жыл соңына дейін 560,0 млн.теңге қосымша қажет етеді. Қала бойынша экономикалық қызметтің барлық түріндегі жұмысшылардың орташа еңбекақысы 2019 жылдың қаңтар-тамыз айында 447662 теңгені құрады, 2018 жылдың сәйкес деңгейіне қарағанда 9,9%-ға өсті (2018ж. қаңтар-тамызда – 407432 теңге, 2018 жылдықта – 408 016 теңге). Бұл туралы Өңірлік Коммуникациялар Қызметі алаңында өткен брифинг барысында Жаңаөзен қаласының әкімі Мақсат Ибағаров мәлімдеді.

«Жұмыспен қамту орталығының ақпаратына сәйкес, ағымдағы жылы қаңтар-тамыз айларында 8 айдың көлемінде 3 854 жаңа жұмыс орны құрылды (2018ж. қаңтар-тамызда – 3 766 жұмыс орын), өткен жылмен салыстырғанда 102,3% құрады. Жыл басынан жұмыссыз азамат ретінде хабарласқандар саны - 8625 адам, оның ішінде жастары – 4 700 адам, яғни 54,5%. 01.09.2019 жыл кезеңіне тіркеуде қалған жұмыссыздар саны 2 253 адам (01.09.2018ж. – 1 562 адам), оның ішінде 1 458-і жастар (64,7%). Жұмыссыздық деңгейі - 2,9% құрады (01.09.2018ж.–2,5%). Ағымдағы жыл басынан бері 3 991жұмыссыздар әлеуметтік шаралармен қамтылды (2018ж. 8 айда –3 564 адам), оның ішінде:

- тұрақты жұмысқа орналасқандар – 2 089адам(2018ж. 8 ай – 2 107),

- әлеуметтік жұмыспен қамтылғандар – 207адам(2018ж. 8 ай - 257),

- жастар тәжірибесіне жолданғандар – 238адам (2018ж. 8 ай - 102),

- ақылы қоғамдық жұмыспен қамтылғандар – 1 277 адам(2018. 8 ай – 1 092),

- жастар, көп балалы отбасылар, АСП алушылардан қысқа мерзімді «Бизнес бастау» кәсіпкерлік негіздері оқу курсына - 106 адам жолданды (2018ж. оқытылған жоқ). «Бизнес бастау» кәсіпкерлік негіздері бойынша несие алғандар саны – 44 адам (2018ж. 8 айда– 6), жұмыссыздарды оқыту және қайта даярлау курстарына – 30 адам (2018ж. жолданған жоқ) жолданды.

-Мемлекеттік атаулы әлеуметтік көмек алушылар саны 01.09.2019ж. кезеңіне 1 391отбасы - 7 994 адам, бұл көрсеткіш өткен жылдың сәйкес кезеңімен салыстырғанда 1 034 отбасы 6 114 адамға көбейді (2018ж. 8 айда – 357 отбасы 1880 адам). Нақтырақ айтқанда, Жаңаөзен қаласы бойынша жанұяға кіретін кіріс көзін есепке алмай төрт және одан көп 18 жасқа дейінгі балаларды тәрбиелейтін ата-аналарға төленетін ай сайынғы 10 605 теңге жәрдемақысы 2018 жылдан бастап тоқтатылып, кедейшілік шегінен төмен тұратын отбасыларға төлене бастады. Яғни, АӘК алушылардың санының күрт өсуі, ағымдағы жылдың сәуір айынан бастап белгіленген күнкөріс деңгейінің 70 пайызға өсуінен болып отыр (2019 жылғы АӘК мөлшері – 24 664 теңге)»,- деді қала әкімі.

Фотоны ұсынған өңірлік коммуникациялар қызметі