Ақтаулық құтқарушылар ″Жол Баян″ радиосы арқылы тұрғындарды суда сақ болуға шақырды

7 Июня 2019 (11:42) | 7790 | Автор: Нурганым Имашева

Шомылу маусымы басталу алдында суда болатын жазатайым оқиғалардың алдын алу мақсатында Ақтау қаласының Төтенше жағдайлар басқармасының қызметкерлері «Жол Баян» радиосында қала тұрғындарына теңізде суға түсу кезінде қауіпсіздік ережелерін сақтауды ескертті.

Құтқарушылар ескертеді: жүзе білу – судағы қауіпсіздіктің кепілі емес. Жағалаудан сәл ары қарай жүзіп кетіп, сол сәтте шаршап қалуыңыз ықтимал, толқын алып кетуі немесе суық судан аяғыңыз тартылуы абден мүмкін. Қауіпсіздік ережесін қатаң түрде орындау қажет: таныс емес аймақта сүңгуге, үрленген матрастармен алысқа жүзіп кетуге, мас күйінде суға түсуге, малту білсе де суда балаларды қараусыз қалдыруға болмайды.

Зардап шегушіге бірінші көмек ретінде, демалмаса шұғыл түрде «ауызба ауыз» жасанды тыныс жасау қажет. Алдын ала ауыз қуысын тазалауды ұмытпаңыз, содан кейін басын шалқайтып тұрып, мұрнын саусақпен жауып ауыз қуысына қарай ауа үрлеуді бастаңыз.

Адамның ауызынан су шыға бастағанда оның басын бір жағына қарай бұрыңыз.

Радио арқылы тұрғындарлы ескерту барысында Ақтауқаласы ТЖ Басқармасының аға инженері азаматтық қорғау аға лейтенанаты Р. Наурызов қаладағы шомылуға рұқсат етілмеген орындары және су айдындарында демалыс орындарын жабдықтау ережесі туралы ақпаратпен бөлісті.

Сонымен бірге суға батып бара жатқан адамдарға негізгі көмек көрсету және суда шомылу ережелерін түсіндірді. Суда қауіпсіздік ережесін ұстану сіз бен сіздің жақындарыңыздың өмірін сақтап қалуға көмектеседі. Абай болыңыздар!