Түпқарағанда «НКОК» компаниясы ерекше балалар үшін жаңажылдық мереке ұйымдастырды

«Норт Каспиан Оперейтинг Компани Н.В.» (НКОК) компаниясы Маңғыстау облысында мүмкіндіктері шектеулі балалар үшін бірқатар жаңажылдық мерекелік шаралар өткізді.

-Жаңажылдық мереке қарсаңында балалардың тамаша тосынсыйлар мен сыйлықтар күтетіні мәлім. Осы мерекені ерекше балалар да тағатсыз күтеді. «НКОК» компаниясы көптеген жылдар бойы олар үшін тосын сиқырлар мен ғажайыптарға толы ұмытылмас бағдарламасы бар жаңажылдық мерекелік шаралар ұйымдастырады.

Бұл дәстүр биыл да жалғасын тапты – 21 желтоқсанда «НКОК» компаниясы Маңғыстау облысы, Түпқараған ауданының Форт-Шевченко қаласында нәрестеден бастап 16 жасқа дейінгі 195 бала үшін мерекелік шара өткізді,- деп хабарлайды компанияның баспасөз қызметі.

Балалар ертегі кейіпкерлері Аладдин мен Жасминнің, Аяз ата мен Қаршақыздың көмегімен жаңажылдық қызықты оқиғаларды бастан кешті және ертеңгілікте балалар сүйікті мультфильмдерінің кейіпкерлерімен кездесті. Сиқырлы көріністер, көңілді ойындар мен сайыстар ешкімді де бейжай қалдырмады. Балалардың барлығы жақсылап көңіл көтеріп, Аяз ата оларға компания дайындаған, тәттілер мен пайдалы медициналық ингалятор-небулайзерлерден тұратын сыйлықтар жинағын тарту етті.

Мерекелік шарада НКОК өкілдері құттықтау сөз сөйледі.

-Бұл мерекеде балалар сыйлықтар күтетінін бәріміз де білеміз. Бүгінгі күн балалардың естерінде жарқын, жайдары және қуанышты күн ретінде қалады деген үміттеміз, - дейді мерекелік кешті ұйымдастырушылар.

Суреттерді түсірген компанияның баспасөз қызметі