Ақтауда өрт сөндіруші-құтқарушылар арасында шағын футболдан жарыс өтті

Маңғыстау облысы ТЖД Өрт сөндіру және авариялық-құтқару жұмыстары қызметінің мемлекеттік тіл және ақпарат тобының хабарлауынша, Ақтауда Мемлекеттік рәміздер күні қарсаңында Маңғыстау гарнизонының өрт сөндіру бөлімдері арасында шағын футболдан жарыс өтті.

Турнирге 12 команда қатысты. Жарыс олимпиадалық жүйе бойынша жүргізілді.

Матчта бірінші орынға Жаңаөзен қаласы № 13 мамандандырылған өрт сөндіру бөлімі мен Шетпе ауылы № 3 өрт сөндіру бөлімінің құрамасы кездесті.  Кездесу қорытындысы – 4:2 -№ 13-МӨСБ пайдасына.

Жарыс жеңімпазы болып № 13-МӨСБ құрамасы атанды. Екінші орынға - № 3-ӨСБ құрамасы ие болса, үшінші орын № 12-ӨСБ құрама командасына бұйырды.

Жүлделі орындарды иеленген командалар дипломмен, кубоктармен және бағалы сыйлықтармен марапатталды.

Суреттерді түсірген Рукья Сычева