Маңғыстауда қылмыстық заңнамаларға енгізілген өзгерістер мен толықтырулар талқыланды

4 Августа 2017 (16:32) | 1714 | Автор: Нурганым Имашева

«Маңғыстау облыстық сотының оқу орталығында облыс судьяларының, адвокаттар мен құқық қорғау органдары өкілдерінің қатысуымен 2017 жылдың 03 шілде мен 11 шілдесінде Қазақстан Республикасының Заңдарына енгізілген өзгерістер мен толықтыруларды назарға ала отырып, қылмыстық, қылмыстық-процестік заңнамалардың нормаларын қолдану тақырыбында семинар өткізілді», - деп хабарлайды Маңғыстау облыстық сотының баспасөз қызметі.

«Қылмыстық істер жөніндегі мамандандырылған ауданаралық сотының судьясы Гафур Шаров пен Ақтау қалалық сотының судьясы Марет Ковраева баяндама жасап, қатысушыларға аталған кодекстерге енгізілген өзгерістерді түсіндірді.

Облыстық соттың қылмыстық істер жөніндегі апелляциялық сот алқасының төрағасы Ержан Қарабаев семинарды қорытындылап және баяндамашылардың сөздерін түйіндей келе, қайта қабылданған заң нормаларын қатаң сақтау және Қазақстанның үшінші жаңғыру реформасын іске асыру аясында сот төрелігін жүзеге асыру шараларын белсендендіру қажеттілігін атап айтты», - делінген Маңғыстау облыстық сотынан біздің басылымға жолданған хабарламада.