Шаруаларға шөп көптік етпейді

Әйел- о, бастан нәзік болғанымен, «40 шырақты» деп бекер айтпаса керек. Өйткені, бүгінде азаматтардың мойына артылған жұмыстардың шет жағасын атқарып жүрген нәзік жандылар көп.

Солардың бірі – Артық Ізжанова. Таушық ауылындағы «Шөп-2» ЖШС жұмыс жасайды. Төрт түліктің қыстық азығын тауып, шөп-шөңгей дайындайды. 

Сонау тоқсаныншы жылдары, тоқырау кезде адамдар кез-келген шаруаны дөңгелетіп, нан табудың қамына кіріскен болатын. Осы тұста нәзік жандылар да белдерін бекем буып, бала-шағасын аш қалдырған емес.

Бірі тиыннан теңге құрап, базар жағаласа, енді бірі - жоқтан бар құрап кәсібін ашқан. 

Еңбекке ерте араласып, қара нардың жүгін қайыспай көтергендердің бірі осы - Артық Ізжанова. Кәсіпкердің «Шөп-2» шөп шабумен айналысатын шағын бизнесі бар.

Малдың жағдайын жан-жақты қараған кәсіпкер адамның жағдайын да ұмытпаған. Тұрақты түрде 4 ауылдың азаматын жұмыспен қамтып отыр.

 Кәсіпкерді сөзге тартқанымызда: бұл шаруаға жергілікті азаматтардың икемі келмей ме? Әйтеуір қазір бұл жұмысты атқарып отырған шетелдік ағайындар - дейді. 

Қазір шаруашылықта Ойсылқара түлігі болғандықтан, көктем мезгілі түйе қорегі сораң шөбінің шабу науқаны басталмақ. Шаруа «Шаш етектен» - дейді кәсіпкер.

Отбасылық кәсіптің тұтқасын ұстаған Артық апайдың жолдасы тракторды тізгіндейді. Кәсіп бастаған кезде жақындарыңның қолдауымен демеушілігінің маңызы зор екенін жеткізді. 

Бір кездері шөп жақсы шықса, бір уақыттарда – қуаңшылық болғанын жасармады. Енді бұл кәсіпке балаларын да тартпақшы. Болашақта аймақ басшысының қолдауымен бастау алған «Нұр капитал» жобасы арқылы кәсібін одан әрі дамыту ойында бар. 

Осы күнге дейін көрген-түйгенімен бөліскен Артық Ізжанова: «Әрине, оңайлықпен ештеңе жоқ- дейді.

«Десекте, қажырлы еңбек пен ынта болса, қай істің болмасын тетігін табуға болады».

- Қазіргі нарық осы қасиеттерді талап етеді. Осындай алдыңғы буын ағалар кейінгі толқынға ой салар әрекет жасаса, кәсіпкерлік саласы мен елдің экономикалық жағдайы өрлеуіне толық кепіл бар, - дейді біздің басылымға осы мәліметтерді жолдаған Маңғыстау облысының «Атамекен» Ұлттық кәсіпкерлер Палатасының баспасөз қызметінің мамандары.

Cуреттерді түсірген Маңғыстау облысының «Атамекен» Ұлттық кәсіпкерлер Палатасының баспасөз қызметі