Медицина қызметкерлерінің мерекесіне орай, жағалауда «Пайдалы медициналық кеңестер аллеясы» шарасы өтті. Ақтаулықтар теңіз жағалауында тегін медициналық тексеруден өтуге мүмкіндік алды. Жағалауда демалып жүргендер үшін "Жылжымалы емхана" қызмет көрсетті. Көз дәрігері, хирург, терапевт, онколог, гинеколог, уролог, жұқпалы аурулар дәрігері сияқты бірнеше дәрігер тұрғындарға кеңес беріп, денсаулықтарын тексерді.
Халық тіпті рентген мен УЗИ құралдарына түсіп, қан талдауын жасатты. Қан мөлшерін анықтап жатты. Дәрігерлер 3-4 сағаттың ішінде екі жүзге жуық адамға қызмет көрсетті.
Сонымен қатар, міндетті әлеуметтік медициналық сақтандыру жүйесі туралы толық мағлұмат берілді. Түрлі байқаулар мен ойындар ұйымдастырылып, жеңімпаздарға сыйлық үлестірілді.
Рекламный отдел: +7 778 399 22 62 
reklama@tumba.kz
|
Автор: Мира Ботабекова
