Қала прокуроры азаматтарды жеке мәселелері бойынша қабылдады

Ақтау қалалық прокуратурасы 19сәуір күні жеке тұлғаларды және заңды тұлға өкілдерін қабылдау бойынша «Ашық есік күні» акциясын ұйымдастырды.

-Қабылдау күні прокуратура органына 7 азамат өздерінің түрлі мәселелері бойынша шағыммен келді. Оларды толғандырған мәселелер арасында зейнетақымен қамту заңнамасының бұзылуы, құқыққорғау органдарының, мемлекеттік кірістер органдарының кейбір мәселелер бойынша өз қызметіне салғырттықпен қарап, тиісті әрекеттер жасамауы және бірінші сот сатысының шешімдерімен келіспеу сияқты сұрақтар болды.

Қабылдау қорытындысымен барлық шағымданушы азаматтарға ауызша түрде қолданыстағы заңнама нормалары түсіндірілді.

Аталған іс-шараларды алдағы уақытта да жүзеге асыру үшін, прокуратура органдарына деген азаматтардың сенімін нығайту және құқыққорғау органдарының ашықтығын жария ету мақсатында осындай «Ашық есік күні» акциясын Ақтау қаласында ағымдағы жылдың 29 сәуірінде және 03, 11, 19 және 25 мамыр күндері ұйымдастыру жоспарлануда.

Сонымен қатар, 25 сәуір және 16 мамырда Өмірзақ кентінде Ақтау қаласы прокурорының орынбасарлары азаматтарды жеке сұрақтары бойынша қабылдау өткізеді,- деп хабарлайды Ақтау қаласының прокуратурасы.