Айбары асқақ Ата Заң

Конституция – біздің мемлекетіміздің басты заңы. Ата заңымызға сәйкес еліміздің басты қазынасы -  адам және оның өмірі құқықтары мен бостандықтары.

Еліміздің әрбір азаматы Конституцияны құрметтеп оның мән мазмұнын білуі керек деп санаймын. Себебі қай елдің болмасын зайырлы, тәуелсіз екенін білдіретін,  басым бағыттарын айқындайтын басты құжат ол – Ата заң. 

          Еліміздің Ата Заңы - жүздеген жылдар бойы қалыптасып, адамзат баласының жалпы құндылықтарын өз бойына сіңірді.Ата Заңның 1-тармағында «Қазақстан өзін ең қымбат қазынасы - адам және азаматтың өмірі, құқықтары мен бостандықтары болып табылатын демократиялық, зайырлы, құқықтық және әлеуметтік мемлекет ретінде орнықтырады делінген. Заңда белгіленген барлық тұжырым, қағидалар өмірдің салаларын өркениетті заң жүзінде басқаруға мүмкіндік береді. Осылайша, мемлекетіміздің Ата Заңы халқымыздың тәуелсіз ел болуды армандаған мүддесін заң тілінде айшықтаған, әлемге, адамзат ғаламына Қазақстан деген мемлекет бар екенін паш еткен құқықтық құжат болып табылады. Осы Конституциямен еліміздің мемлекеттік тұғыры нығайды, оның басқару тетігі бір жүйеге келді.

          Қазіргі таңда Ұлттық ұланның әр бір әскери қызметшісі ел дамуы жолында айрықша еңбек етіп келеді. Әр бір әскери қызметші осы елдің азаматы ретінде елдің дамуына өз үлесін қосуға міндетті деп білемін. Әлемде болып жатқан оқиғаларды көріп біліп жүрміз. Сондықтан біздің басты міндетіміз - ел тыныштығын сақтау.

          Елдіктің, адалдықпен татулықтың, бейбітшілікпен тұрақтылықтың ынтымақ пен берекенің кепілі болған Конституциямыз жасай берсін.

полковник Болатбек Мұхамбетқалиев

6656 әскери бөлім командирі