АҚТАУ ГАРНИЗОНЫНДА ӘСКЕРИ ТЕҢІЗШІЛЕР ЖАҢАРУ КҮНІНЕ ОРАЙ ТАЛ ОТЫРҒЫЗДЫ

Наурызнама аясында 19 наурыз – Жаңару күні қарсаңында Ақтау гарнизонында Қазақстан Республикасы Әскери-теңіз күштерінің гидрографиялық қамтамасыз ету қызметінің жеке құрамы экологиялық және абаттандыру шараларын өткізді.

Іс-шара барысында әскери қызметшілер Ақтау қаласындағы әскери бөлім аумағында, сондай-ақ Түпқараған ауданы Қызылөзен ауылында орналасқан Қызылөзен маягі маңында жүзге жуық тал мен гүл отырғызды. Сонымен қатар аумақтарды тазарту жұмыстары жүргізілді.

Аталған бастама Наурызнама бағдарламасы аясында ұйымдастырылып, қоршаған ортаны қорғау, туған жерді көркейту және экологиялық мәдениетті қалыптастыруға бағытталды.

– Бүгін гидрографиялық қамтамасыз ету қызметінің жеке құрамы бекітілген жоспарға сәйкес Жаңару күніне орай әскери бөлім мен маяк аумақтарында талдар мен гүлдер отырғызып, тазалық жұмыстарын жүргізді. Жеке құрам өздерінің еңбекқорлығын, бірлігін және достық қарым-қатынасын тағы бір мәрте көрсетті, – деді гидрографиялық қамтамасыз ету қызметі бастығының тәрбие және идеологиялық жұмыстар жөніндегі орынбасары, 3-дәрежелі капитан Ерлан Сабиғат.

Өткізілген іс-шаралар әскери қызметшілер арасында бірлік пен жауапкершілікті нығайтып, қоршаған ортаға деген қамқорлықты арттыруға ықпал етті