2024 жылдың 27-ші қарашасында «JOO School Aktau» мектебінен ашылған «Жас құтқарушылар» сыныбының 15 оқушысы Ақтау қаласының өрт сөндірушілер мұражайына қызықты экскурсия жасады

Оқушылар музейдегі жәдігерлерді қызыға тамашалап, көне өрт сөндіру құралдарымен танысып, басқа адамның өмірін құтқару барысында қаза тапқан батыр өрт сөндірушілер жайында білді.

Өрт сөндіру  қызметкерлерінің күнделікті тыныс-тіршілігімен, алғашқы өрт сөндіру құралдарының маңыздылығымен және өрт сөндіру автокөліктерімен таныстырылып, оқушыларға өртке қарсы және апаттық құтқару жұмыстарына қолданылатын құрал-саймандармен қалай жұмыс жасайтындығы жөнінде кеңінен ақпараттандырды.

Оқушылардың азаматтық қорғау органдарының қызметіне қатты қызығушылық танытып, естелік суретке түсті.

Алдағы уақытта осындай жұмыстар жалғасын табатын болады.