“Менің спорттық жанұям: Әкем, анам және мен” атты мемлекеттік қызметшілер арасындағы жарыс болып өтті

 23 маусымда атап өтілетін Мемлекеттік қызметшілер күні аясында мемлекеттік органдар қызметкерлері арасында "Менің спорттық отбасым: Әкем, анам және мен"отбасылық спорт бойынша жарыстар өткізілді. 

Жарысты ҚР Мемлекеттік қызмет істері агенттігінің Маңғыстау облысы бойынша департаментінің облыстық дене шынықтыру және спорт басқармасы, Ақтау қаласының спорт бөлімі және облыстық армрестлинг және гір спорты федерациясы ұйымдастырды.

Мемлекеттік қызметшілердің отбасылары “кім жылдам?”, бәйге, ептілік, тіркесіп жүгіру, арқан тарту және қол күресінен бақ сынасты.

Жарыс нәтижесі бойынша бірінші жүлделі орынды ішкі мемлекеттік аудит департаментінің Тілегеновтар командасы иеленді, екінші орын мемлекеттік кірістер департаментінің Джақан командасы, ал үшінші орынды мемлекеттік кірістер департаментінің Юсуповтар отбасылық командасы иеленді.