Стафилококк және мерзімі өткен өнімдер Ақтау дәрігерлері уланған мейрамханадан табылды

Бұл туралы облыстың санитарлық-эпидемиологиялық бақылау департаменті басшысының орынбасары Асылбек Шаров мәлімдеді.

Спикердің айтуынша,  Ақтаудағы қонақүй мейрамханаларының бірінде ұйымдастырылған ауызашарда уланғандардың жағдайы бүгінде бірқалыпты,ауруханада тиісті ем-дом алған. Орын алған оқыс жайттан соң 21 мейрамхана қызметкері тексерістен өтіп,   талдау нәтижесінде 7 адамның ағзасынан стафилокок  табылған. Сонымен қатар, тексеріс барысында 20 қызметкердің медициналық кітапшасы жалған болғандықтан, ал 4-еуінің медициналық кітапшалары берілмегендіктен, 24 қызметкер жұмыстан шеттетілген.

 -Тексеріс барысында мейрамхана тағамдарының арасынан жарамдылық мерзімі өткен 220 келі көлемінде өнімнің 73 түрі анықталып, комиссиямен жойылды. Жоспардан тыс санитарлық-эпидемиологиялық тексеру жұмыстарының нәтижесінде анықталған өрескел санитарлық талаптардың бұзушылығына жол бергені және адам денсаулығына зиян келтіруіне әкеп соққан әрекеті үшін мейрамхана басышылығына қатысты «Әкімшілік құқық бұзушылық туралы» Кодексінің 425-бабының 2-бөліміне сәйкес, қылмыстық жазаланатын іс-әрекет белгілерін анықтау мақсатында  Ақтау қаласының полиция басқармасына хат жолданды, - деді Асылбек Шаров.