Құрық ауылында балаларға арналған ойын алаңы салынып жатыр

Қарақия ауданына қарасты Құрық ауылында қазіргі таңда үш дана балалар ойын алаңын салу жұмыстары жүргізіліп жатыр. Сондай-ақ аталған елдімекендегі 3-ші шағын ауданда тозығы жеткен спорт алаңын қайта құрылымдау жұмыстары да жүргізілуде. Бұл туралы Құрық ауылының әкімі Ғабит Салихов мәлім етті.

Оның айтуынша, балалар ойын алаңы «Жаңақұрылыс» шағынауданы мен 9 шағынауданның арасында, 10-14 шағынаудандар аралығында және «Мамедова» көшесінде салынуда.

-Мердігер мекеме «МаңғыстауПромСтрой» ЖШС-і конкурс жеңімпазы болып танылып, келісім-шарт жасақталды. Балалар ойын алаңдарын салудың келісім-шарт құны 7 050 000 теңге. Сонымен қатар, 3-ші шағынаудандағы ескі футбол алаңын қайта құрылымдау жұмыстарына «БН Капитал» ЖШС-мен 8 960 000 теңгеге келісім-шарт жасақталып, жұмыстар жүріп жатыр, - деді Ғабит Салихов.

Қарақия ауданы әкімдігінің баспасөз қызметі