Төтенше жағдайлар және өрт қауіпсіздігін қамтамасыз ету жөніндегі комиссияның отырысы

12 Мая 2021 (12:29) | 1590 | Автор: Редакция

Ақтау қаласы әкімінің орынбасары С. Гусманның төрағалығымен Төтенше жағдайлардың алдын алу және жою жөніндегі комиссиясының кезекті отырысы өтті.

Ақтау қаласы ТЖБ офицері аға лейтенант А. Төлеганов, Маңғыстау облысы Төтенше жағдайлар департаментінің "ӨСжАҚЖҚ" ММ жедел кезекшісі Е. Архабаев және "ӨСжАҚЖҚ" ММ бөлім бастығы Қ. Есназаров баяндама оқыды.

Жиынға Ақтау қаласы Төтенше жағдайлар басқармасының, Маңғыстау облысы Төтенше жағдайлар Департаменті «ӨСжАҚЖҚ» ММ-нің қызметкерлері және Төтенше жағдайлар комиссиясының мүшелері қатысты. Жиын барысында мына мәселелер қаралды:

Жазғы кезеңде адамдардың судағы қауіпсіздігі бойынша профилактикалық іс-шаралар өткізу туралы;

Халыққа ЖҚҚ қорларын жинақтау туралы. Өртке қарсы сумен жабдықтау жүйесінің дайындық жағдайы туралы.

Өрт болған жағдайда автосатылар мен иінді көтергіштерді орнатуға арналған көп қабатты үйлердегі арнайы алаңды айқындау бойынша жүргізіледі.

Комиссия отырысының қорытындысы бойынша анықталған кемшіліктерді жою бойынша шаралар қабылдауды, түсіндіру жұмыстарын жүргізуді жалғастыруды ұсыну туралы шешім қабылданды.

Ақтау қаласының ТЖБ бас маманы азаматтық қорғау аға лейтенанты Нурманов Қ.