Теңізде апатқа ұшыраған адамдарды құтқару дағдылары пысықталды

26 Февраля 2020 (14:43) | 2348 | Автор: Нурганым Имашева

Каспий теңізі жағалауында Ақтау қаласы Жедел-құтқару жасағының құтқару бөлімшесінің аумағында қыс мезгілінде адамдарды құтқару кезіндегі іс-әрекеттерді пысықтау бойынша арнайы-тактикалық оқу-жаттығу өтті.

Оқу-жаттығудың мазмұны бойынша балықшылармен бірге қайықты теңізге алып кеткен болатын. Куәгерлер оқиға туралы «112» телефон нөмірі арқылы хабарлады. Құтқару катерімен құтқарушылар тез арада теңізге шықты. Балықшылар өздерінің орналасқан жерін жанып тұрған фальшфейер арқылы білдірді.

Құтқарушылар «зардап шегушілерді» қайық арқылы жағаға қауіпсіз жерге көшірді, одан кейін апаттық медицинасы орталығының мамандарына қажетті көмек көрсету үшін тапсырды.

- Оқу-жаттығудың мақсаты – Маңғыстау облысы ТЖД Өрт сөндіру және авариялық-құтқару жұмыстары қызметінің күштері мен құралдарының қыс мезгіліндегі ықтималды ТЖ-ға қарсы әрекет етуге дайындығын анықтау.

Оқу-жаттығу барысында зардап шегушілерді құтқару бойынша тәжірибелік дағдылар мен төтенше жағдайларды жою кезіндегі шұғыл қызметтердің басқару органдарының бірлескен іс-әрекеттері пысықталды,- деп хабарлайды Маңғыстау облысы ТЖД Өрт сөндіру және авариялық-құтқару жұмыстары қызметінің ішкі және сыртқы коммуникациялар тобы7

Суреттерді түсірген Рукия Сычева