Маңғыстаулық кәсіпкерлер 5 бірдей жүлдені жеңіп алды

18 Декабря 2019 (11:45) | 1480 | Автор: Редакция

Нұр-Сұлтан қаласында «ЭКСПО» конгресс-орталығында Қазақстан Республикасы Президентінің «Алтын сапа» сыйлығының жеңімпаз-лауреаттарын және «Қазақстанның үздік тауары» республикалық байқау-көрмесінің дипломанттарын марапаттау рәсімі өтті. Іс-шара ҚР Президенті Қ.Тоқаев және еліміздің басқа да жоғары лауазымды тұлғаларының қатысты.

"Алтын сапа" байқауының «Қызмет көрсететін үздік кәсіпорын» аталымы бойынша жүлдесін "Caspian Enginiring & Research" ЖШС жеңді.

"Қазақстанның үздік тауары" байқауының "Өндірістік мақсаттағы үздік тауар" аталымының жеңімпазы- "Шыны талшықты құбырлар зауыты" ЖШС.

"Алтын оймақ" байқауының "Ұлттық нақыштағы аксесуарлардың үздік дизайны" жүлдесі- Жаңаөзендік "ҚАЗАҚ» брендіне бұйырды.

"Парыз" жүлдесінің "Еңбек қорғау саласындағы үздік кәсіпорын" аталымы бойынша жеңімпаз- "KAZ M-1" ЖШС.

"Парыз" жүлдесінің "Еңбек қорғау саласындағы үздік кәсіпорын" аталымы бойынша "Мұнайгазқұрылыс" ЖШС жеңіп алды.

ҚР Президентінің «Алтын сапа» сыйлығын иемдену үшін байқау мен «Қазақстанның үздік тауары» байқау-көрмесі ҚР Президентінің 2006 жылғы 9 қазандағы № 194 «Қазақстан Республикасы Президентінің «Алтын Сапа» сыйлығын алуға арналған конкурс туралы» Жарлығымен жеке өндірісті дамыту және тауарлар мен қызметтердің сапасын үздіксіз жақсарту мақсатында құрылды.

Байқау төрт аталым бойынша өткізілді: «Өндірістік мақсаттағы үздік кәсіпорын»; «Халыққа арналған тауар шығаратын үздік кәсіпорын»; «Қызмет көрсететін үздік кәсіпорын»; «Азық-түлік тауарларын және/немесе ауыл шаруашылығы өнімдерін шығаратын үздік кәсіпорын».

Әр аталымда шағын, орта және ірі кәсіпкерлік субъектілері санаттары бойынша үш сыйлықтан беріледі. Жыл сайын еліміздің 200-ден астам кәсіпорны «Алтын сапаның» үміткері болады.

«Қазақстанның үздік тауары» республикалық байқау-көрмесі үш номинация бойынша өткізілді: «Өндірістік мақсаттағы үздік тауарлар»; «Халыққа арналған үздік тауарлар»; «Үздік азық-түлік тауарлары».

Байқаулардың лауреаттары мен дипломанттары төрт жыл бойы байқау эмблемасын жарнамалық мақсатта пайдалану құқығын алды.