2025 жылға дейін Жаңаөзен қаласын дамытуға 230,3 млрд.теңге қаржы қарастырылған

Қазақстан Республикасының Үкіметі Жаңаөзен қаласын әлеуметтік-экономикалық дамытудың 2019-2025 жылдарға арналғанкешенді жоспарын бекітті.

Бұл жөнінде Өңірлік коммуникациялар қызметі алаңында өткен брифингте Жаңаөзен қаласының әкімі Әділбек Дауылбаев мәлімдеді. 

Әділбек Құлынтайұлының айтуынша, «Алдағы уақытта Жаңаөзен қаласы аумағында жүзеге асатын 67 жобаны іске асыруға барлығы – 230 млрд.теңге жұмсалмақ. Кешенді жоспарға сай биыл жасалатын жұмыстарға 19,6 млрд қаржы жұмсалатын болады.

Оның ішінде, Республикалық бюджеттен – 3,7 млрд.теңге (жалдамалы пәтерлер сатып алу, 18.2 шақырым автомобиль жолдарын салу); жергілікті бюджеттен  – 273,4 млн.теңге (бизнес негіздеріне оқыту, автомобиль жолдарын салу, апатты тұрғын үйлердің тұрғындарына пәтерлер сатып алу); «ҚазМұнайГаз» АҚ, «ӨзенМұнайГаз» АҚ – 8,8 млрд.теңге (жатақхана шығындарын субсидиялау, басқа өңірлерге қоныс аудару шығындарын субсидиялау, ҚазГӨЗ жаңғырту, «Өзенинвест» МКК-нан 350 жаңа жұмыс орындарын құру.)  сынды жобалар бар».

Суреттер Өңірлік коммуникациялар қызметінен және zakon.kz, kub.kz сайттарынан