Бір тәулік ішінде Маңғыстау жолдарында 221 заңбұзушылық анықталды

21 Февраля 2019 (16:24) | 1742 | Автор: Нурганым Имашева

-Ағымдағы жылдың 19-23 ақпаны аралығында облыс бойынша "Такси" жедел-алдын алу іс-шарасы өтуде.

Шараның мақсаты - такси жеңіл автокөліктерінің қатысуымен жол-көлік оқиғаларын жасауға ықпал ететін себептер мен жағдайларды жою, Жол қозғалысы ережелерін бұзу деректерінің, сондай-ақ заңсыз кәсіпкерлік қызметтің жолын кесу болып табылады.

Маңғыстау облысының Полиция Департаментінің Жергілікті Полиция Қызметінің (ПД ЖПҚ) қызметкерлерімен бір тәулік ішінде жолаушыларды заңсыз тасымалдаудың (ҚР ӘҚБК 46-бабы) 13 дерегі және такси жүргізушілерімен жасалған 208 құқықбұзушылық дерегі анықталды.

19.02.2019 жылы Шетпе – Жетібай тас жолында Маңғыстау облысы ПД-нің ЖПҚ ППР қызметкерлерімен "Лада Ларгус" маркалы 3 автокөлігі тоқтатылды.

Тексеру барысында екі жүргізушіде жүргізуші куәлігі болған жоқ. Көлікук шетел азаматтары шамадан тыс тиелген. ҚР ӘҚБтК-нің 612, 463-баптарымен - бірінші, ҚР ӘҚБтК-нің 612, 463, 590-бабының 5-бөлігімен, 593-бабының 1-бөлігімен - екінші; сонымен қатар жүргізушіге 463-бабы мен 593-бабының 1-бөлігімен - үшінші әкімшілік хаттама толтырылды.

Барлық автокөліктер Жетібай кентінің полиция бөлімшесінің айыппұл тұрағына жабылды,- мәлімдейді Маңғыстау облысы Полиция Департаментінің Баспасөз қызметі.

Суреттерді түсірген Маңғыстау облысы Полиция Департаментінің Баспасөз қызметі