Жаңаөзендік құтқарушылар экстремизм мен терроризмнің алдын алуға арналған шарада басқосты

Жаңаөзен қаласы № 13 мамандандырылған өрт сөндіру бөлімінде «Терроризм мен экстремизм идеологиясы: жастардың ортасындағы қарсы әрекет мәселесі» тақырыбында басқосу өтті.

Шараға қатысқандар: Жаңаөзен қаласы Рахат ауылы мешітінің бас имамы Маңғалбай Шахабуддин, Жаңаөзен қаласының ардагер ақсақалы Ізбас Бексары, Жаңаөзен қаласының қоғаммен қарым-қатынас жөніндегі маман Данияр Баспаков, Жаңаөзен қаласы № 13 мамандандырылған өрт сөндіру бөлімінің, Теңге ауылы № 12 өрт сөндіру бөлімінің, сонымен қатар Қызылсай ауылы № 10 өрт сөндіру бөлімдерінің бастықтары және жеке құрамы.

Экстремизм мен терроризм мәнін әлеуметтік көрініс ретінде, олардың деструктивтілігі, заманауи өмірде біртіндеп үдеуі, сондай-ақ жастар ортасында таралмауын ескерту механизмдерін түсіндіруге қатысты мәселелерді талқылау өрт сөндірушілер арасында белсенді пікірталас ретінде орын тапты.

Мұндай шаралар жастарда экстреми зм мен терроризм идеологиясына деген беріктік және жағымсыз көзқарасты қалыптастыру мақсатында өткізіледі. Жас ұрпақты радикалды экстремистік ұйымдарға тартуға бөгет жасалып жатыр. Сонымен қатар бұл экстремизм мен терроризмнің алдын-алу және қарсы әрекет бойынша заманауи әдістердің жасақталуына және енгізілуіне мүмкіндік береді.

Дөңгелек үстел барысында терроризмнің діни, құқықтық және ақпараттық-ағарту аспектілері талқыланды. Рухани-адамгершілік құндылықтар мен дәстүрлерге қатысты, діни-саяси экстремизмге қарсы әрекетте азаматтық қорғау органдарының рөліне талдау жасалды. Жиналғандарға ағымға бет бұрғандардың басым бөлігі ғаламтор әдістері арқылы тартылғандығы айтылды. Шынайы өмірде жеңілгендіктен, виртуалды желілерде белсенді түрде үгіт-насихаттарын бастады. Аталған топтың ұйымдастырушылары мейлінше әлсіз психикасы бар адамдарды іздестіріп, оларға психологиялық қысым көрсету арқылы жастарды өз қатарларына түсуге мәжбүр етеді.

-Басқосу жағымды әсерде өтті, алдағы уақытта атқарылатын жұмыстар жайында сөз етілді, сондай-ақ осы міндеттерді шешу жөніндегі мәселелер қарастырылды, - деп хабарлайды біздің басылымға бұл ақпаратты жолдаған Маңғыстау облысы ТЖД Өрт сөндіру және авариялық-құтқару жұмыстары қызметінің мемлекеттік тіл және ақпарат тобы.

Суреттерді түсірген баспасөз қызметі