Тәртіп сақшылары алаяқтардан сақтануды ескертеді

Маңғыстау облысының Ішкі Істер департаменті баспасөз қызметінің хабарлауынша, «2017 жылы желтоқсанда «Рублев Виктор Павлович» деген атпен Ақтау қаласының 17-шағын ауданында орналасқан «GREEN-PLAZA» тұрғын үй кешенінің 5-ші қабатында ауданы 35м2 болатын  бір бөлмелі пәтерді сату туралы «Krisha.kz»  сайтына хабарландыру берілді.

Хат жазу барысында В.Рублев Ақтау қаласының тұрғынын «AsiaCreditBank» АҚ Банкке 15 000 АҚШ доллары көлемінде «АзияКредитБанкі» арқылы Unistream төлем жүйесі бойынша кез-келген танысының атына ақша аударуға болатынын сендірді, мұны төлем қабілеттілігіне көз жеткізу үшін деп түсіндірді.

Өзінің төлем қабілеттілігінің дәлелі ретінде Ақтау қаласының тұрғынына «AsiaCreditBank» АҚ-ның «Юнистрим» төлем жүйесі бойынша төлемқабілеттілігіне көз жеткізгісі келетінін білдіріп, 15 000 АҚШ доллары көлемінде ақшалай қаражатты өз танысының атына аударуға мәжбүрлеген.

Сонымен қатар, В.Рублевтың шарттарының бірі - «kaz-rublev@mail.ru» электронды поштасына кассалық кіріс ордерінінің фотосуретін, сондай-ақ ақша аудару туралы банктік ақпараттың фотосуреті жіберілді.

Осылайша, «Рублев» деген бүркеншік тұлға тұрғыннан аударма нөмірлері, аударым сомасы, сондай-ақ алушының қаражатқа қол жеткізуге рұқсатты көрсететін барлық ақпараттары, банктік чектер мен өтініштердің фотосуреттерін алды. Кейінірек ол Ресей Федерациясының аумағында жүріп қаржылай қаражатты алған.

Осыған ұқсас жағдай Жаңаөзен қаласындағы «Калибр» төлем жүйесінде де  орын алды, онда тұрғынға 4 900 000 теңге материалдық шығын келтірілген».

Осындай жайттарды саралай келе Маңғыстау облысының Ішкі Істер департаменті аймақтың тұрғындарын алаяқтардың құр уәдесіне сенумен, жиған-терген қаражаттан айырылып қалудан сақтануды ескертеді.

.

Суреттер Sputnik Казахстан, pavlodarnews.kz, Tengrinewsсайттарынан алынды