Қош келдің, Әз Наурыз!

Дәл осындай атаумен Маңғыстау облыстық балалар ауруханасы әкімшілік бөлімінің ұйымдастыруымен мерекелик шара өтті. Дүбірлі думанға мекеменің барлық бөлімшелері белсене қатысып, шағын ауылдар болып өнерлерін көрсетті. 

-Наурыз-жаңа күн, яғни жылдың алғашқы күні-жыл басы.  Бұл біздің халқымызда  күн мен түн теңелер мезгіл-наурыз айының 22-інші жұлдызына сәйкес келеді. Бұл-қыс бойғы қар еріп, жер жүзі көгеріп, көктеп, тіршілік атаулыға жан бітіп, жасарып жаңартқан шақ. 

 Осындай шақта біздің ұжым мерекелік шараны сайыс түрінде өткізуді жөн санады. Әр бөлім жеке киіз үй тігіп, өз алдарына салтанат құрды.

 Ауылдарымызға «Бәйшешек» (опн бөлімі), «Наурызша» (қабылдау бөлімі), «Қызғалдақ» (педиатрия бөлімі), «Рауғаш» (жансақтау бөлімі), «Наркез» (дхо бөлімі), Лалагүл (неврология бөлімі) деген аттар бердік.

 Қатысушылар өнерлерін көрсетіп ғана қоймай, Наурызға, қазақтың салт-дәстүрлеріне қатысты қойылған сұрақтарға жауап беріп, білімдерін де сынады,-дейді Маңғыстау облыстық балалар ауруханасының директоры Камшат Тұрсынбекова.

Сайысқа қатысушылар ән айтып, би билеп, өнерлерін ортаға салды. Одан бөлек, ұлттық киімдерден сән көрсетілімін ұсынып, асық ойнап, арқан тартты. Қол күрестен «мықтылар» да анықталып, наурыз көже ішуден жарыстар да ұйымдастырылды.

Суреттерді түсіргенМаңғыстау облыстық балалар ауруханасының баспасөз қызметі