Облыста «Қару-2017» жедел-профилактикалық шарасы өтті

Атыс қаруын қолданумен қылмысқа жол бермеу және Маңғыстау облысы ІІД-де қарудың заңсыз айналымға түсуін болдырмау мақсатында облыс аумағында ағымдағы жылдың қыркүйек айының 5-нен 9-на дейін «Қару-2017» жедел-профилактикалық шарасы өткізілді, оның аясында тұрғылықты жері бойынша азаматтық қарулардың иелерін тексеру, қаруды уақтылы және қайта тіркеудің сақталуын (сейфтің, дабылдың болуы) қамтамасыз ету, сонымен қатар тұрғындардан заңсыз сақталған ІІБ-де тіркелмеген қару мен оқ-дәрілерді, жарылғыш заттар мен материалдарды алу жүргізілді.

Аталған шараға ішкі істер органдарының 147 қызметкері жұмылдырылды, оның ішінде: жергілікті полиция қызметінің - 110, криминалдық полицияның – 13 және басқа қызметтердің 24 қызметкері болды, 6 жедел-іздестіру топтары құрылды.

Екі күн ішінде тұрғылықты жері бойынша 1333 жеке қару иелері (жалпы есепте тұрғаны - 3859) тексерілді. Тексеру барысында 55 әкімшілік құқық бұзушылық фактісі анықталып, ІІО-ның басшыларының құқығымен әкімшілік жауапкершілікке тартылды, оның ішінде: ҚР ӘҚБтК-нің 484-бабының 1-бөлігі бойынша (қаруды сақтау ережесін бұзу) - 55 және ҚР ӘҚБтК-нің 486-бабының 1-бөлігі бойынша (тіркеу және қайта тіркеу мерзімін бұзу) - 1.

Заң бұзушылық бойынша 1 247 950 теңге көлемінде айыппұл салынды.

Маңғыстау облысы ІІД Әкімшілік Полиция Бпсқармасы:

-Қаруды сақтау ережесін бұзғаны үшін иелерінен -22, тіркеу ережесін бұзғаны үшін 1, дабылдың жоқтығы мен жарамсыздығынан 21 бірлігі алынды.

Ағымдағы жылдың 6 қыркүйегінде жедел-профилактикалық шараны өткізу барысында Өмірзақ кентінде тұратын «М» атты азаматтың жеке басын тінту кезінде ІІО-да тіркелмеген, заңсыз айналымнан 8 мм калибрлі "Арми-92" газды қаруы тәркіленді.

Қазіргі таңда тексерілмей қалған қару иелерін тұрғылықты мекен-жайы бойынша тексеру жұмыстары жалғасын табуда.

Бұл туралы біздің басылымға Маңғыстау облысы ІІД Баспасөз қызметі хабарлады.