Құтқарушы мамандығымен танысты

Ақтау қаласының №1 мамандандырылған өрт сөндіру бөлімінде  жазғы сауықтыру лагерінің балаларына арналған «Ашық есік күні»  өткізілді.

Балаларды жеке құрамның күн тәртібімен, қызметтік жағдайларымен және өрт сөндіру техникаларымен таныстыру мақсатында бөлім аумағында және қызметтік бөлмелерінде экскурсия жүргізілді.

-Осы шараны өткізудегі ең негізгі мақсат – жас өрендердің санасында азаматтық қорғау органдарының имиджін көтеру, кезекші қарауылының, жеке құрамның жауынгерлік қызметімен және гарнизонның өртсөндіру, құтқару құрал-жабдықтарымен таныстыру, жас ұрпақты өз еліне, туған жеріне деген сүйіспеншілікке баулып,  патриотизмге тәрбиелеу.

Балаларға құтқарушылармен кездескен осы қүн ерекше әсер қалдырды, өйткені олар үшін №1 мамандандырылған өрт сөндіру бөлімі орналасқан ғимараттың барлық бөлмелеріне экскурсия өткізілді, қызметтік және тұрмыстық бөлмелермен таныстырылды, бөлімнің автотұрағында өртке қарсы қызметінің арнайы  техникалары көрсетілді, -дейді осы шара туралы ақпаратты біздің басылымға жолдаған Ақтау қаласының Төтенше жағдайлар басқармасының аға инженері азаматтық қорғау аға лейтенанты  Тенелхан Назар.

Аға инженердің хабарлауынша, «Экскурсия барысындабалғындарға Ақтау қаласының №1 мамандандырылған өрт сөндіру бөлімі жасағының құрылуы туралы және өрт сөндіруші-ардагерлерінің тарихи фотосуреттері көрсетілді. Іс – шараға 40 – тан астам балалар қатысты».