Ақтауда тегін балмұздақ таратылды

            Астана күніне орай «БиКада» жауапкершілігі шектеулі серіктестігі тұрғындарға тегін балмұздақтар таратты. Таңғы сағат 9-дан бастап мекеме қызметкерлері қала ішін аралап, 8 мыңнан астам балмұздақ үлестірді. Осылайша, жасты да, кәріні де қуантты.

Міне, осылайша жаздың аптап ыстығында «БиКада» серіктестігінің қызметкерлері Астана күнінің құрметіне 232 қорап балмұздақты тегін таратты. Бұл базарлық бүлдіршіндерді бейжай қалдырмады.

Гүлшат Нұрпейіс:

-«БиКада» компаниясы маған тегін балмұздақ берді. Мен және оны інілеріме және сіңілдеріме бердім. Осы мерекемен барша қазақстандықтарды құттықтаймын. Осындай тегін балмұздақ күндері құтты бола берсін. Біз бүгін қатты қуаныштымыз. Ауладағы балаларға да ең керемет күн деп ойлаймын. 

Нұрдәулет Елдібай:

-«БиКада» компаниясына рахмет. Мен 3 балмұздақ алдым. Өзіме, апама және қарындасыма.  

            Айта кетейік, 2002 жылы негізі қаланған «БиКада» серіктестігі бүгінде телекоммуникация саласында түрлі қызмет көрсетеді. Аймақтық, қалааралық және халықаралық телефон байланыстарын орнатады. Ғаламтор желісі мен цифрлық телекөрсетілімді  жалғайды.

Ольга Сабирова - «Bikada» ЖШС менеджері:

-Біз осылайша өзіміздің тұрақты және болашақ клиенттерімізге азғантай сый жасап жатырмыз. Жаздың ыстығында шөлін балмұздақпен бассын деп. Айта кетейін, біздің мекеме түрлі қызметтер ұсынады. Жақында домофон қызметін іске қостық.

            Мұндай акцияны алғаш рет ұйымдастырған мекеме тұрғындардың ризашылығына бөленді. Алдағы уақытта мұндай шаралар жалғасын таба бермек,-деді ұйымдастырушылар.