Терапевт пен педиатрлар бөлінді

«Бұған дейін балалар мен ерексектерді бір дәрігер маман ғана қабылдаған болатын. Медицина саласындағы бұл тәжірибе қарапайым халық үшін қолайсыз болды. Ұзын сонар кезек, уақыт тапшы, емхана іші айқай-шуға толды. Бұл ҚР Денсаулық сақтау министрлігіне дейін жетіп, наурыз айынан бастап терапевт пен педиатрлар бөлек қабылдай бастады. Осылайша, көптен бергі көптің тілегі орындалды»,-деп хабарлайды «Қазақстан-Ақтау» телеарнасы.

Балалар емханасы 15 жасқа дейінгілерді қабылдайды. Емханада 20 педиатр бар, олардың әр қайсысына 500 баладан жүктелген.

Сондай-ақ, емханада дені сау балалар кабинеті бар. Бұл кабинетте 5 жасқа дейінгі балалар ғана қаралады. Мұнда жас аналарға баланы қалай дұрыс тамақтандыру керек, қалай шынықтыру керек, ауырғанда қалай күту керектігі жөнінде мейірбике мағұлмат береді.