Ақын Жүрсін Ерманмен кездесу өтті

Маңғыстау өңірінің жұртшылығы Қазақстан Жазушылар Одағының мүшелерімен жүздесті. Ақын Жүрсін Ерман мен Болат Шарахымбай Елбасының «Болашаққа бағдар: рухани жаңғыру» атты бағдарламасының маңызын қалың бұқараға жеткізді. Зиялы қауым өкілдерімен болған кездесуде мәдени-тарихи жауһарларымызды шетелге таныту, жас ұрпақ бойына ұлттық тәрбиені сіңіру, латын алфавитіне көшу, елдің дамуына сүбелі үлес қосқан 100 жаңа есімді анықтау мәселелері қызу талқыланды. «Отанын шын сүйетін әрбір қазақ туған жеріне келіп, туып-өскен ауылын түлетуге ұмтылуы тиіс. Бұл – туған жер алдындағы перзенттік парызымыз»,-дейді Жүрсін Ерман. Мұндай мазмұнды кездесулер Жаңаөзен қаласымен Мұнайлы аудандарында жалғасады.

ЖҮРСІН ЕРМАН, ҚР ҚОҒАМ ҚАЙРАТКЕРІ, АҚЫН

-Елбасының «Болашаққа бағдар: рухани жаңғыру» дейтін бағдарламасы бұл әншейін қол жете салатын кезекті құжаттарының бірі емес, халық түсінуге тиісті нәрсе. Ұлт болып қалыптасамыз, халық болып ұйыймыз десек біз өзіміздің тарихымызды, дәстүрімізді, салтымызды меңгеруіміз керек. Тілімізді түзеуіміз керек. Балаларымызды осы заманғы оқулықтармен дайындап, туған жеріне оралып, әркім өз жүрегінде жаңғыру, өзгеру керек.