Ақтауда ең үлкен спорт кешені ашылды

Ақтауда шағын футболдан жоғары лига ойындарын өткізуге мүмкіндік туды. 34-ші шағын ауданда халықаралық талаптарға сай келетін өңірдегі ең ірі спорт кешені ашылды.

Аумағы 2800 шаршы метрді алып жатқан кешенде футбол, баскетбол, волейбол алаңдары мен озық үлгдегі жабынды төселген жабық зал бар. Мұнда бір мезгілде 150 спортшыға дейін жаттыға алады. Ал бір күнде 500-600 адамды қабылай алады.

Бұл жобаны әуесқой футболшы мемлекеттің қолдауымен жүзеге асырған. Зәулім сарайды тұрғызу үшін кәсіпкер Ілияс Бейсенғалиев «Даму» қорынан 100 млн теңге несие алған. Спорт жанашыры алдағы уақытта тереңдігі 25 метр бассейн мен биіктігі 10 метр болатын трамплин салуды көздеп отыр.