Коммуналдық қызметке қарызы 100 мың теңгеден асқан

Жаңаөзен қалалық сотымен талап қоюшы «Өзенжылу» ММК-ның жауапкер Ж-дан 100 390 теңге коммуналдық қызмет үшін қарыз ақша және сот шығындарды өндіру туралы азаматтық ісі қаралды.

Іс Қазақстан Республикасы АПК-ның 145-бабының 1-бөлігіның 1) тармақшасына сай іс оңайлатылған іс жүргізу тәртібімен қаралған.

Сотпен талапкердің коммуналдық қызметін көрсету жөнінде міндеттеме шарттары мен заң талаптарына сәйкес тиісінше орындалғаны, ал жауапкердің коммуналдық қызметі үшін төлемақыны өтемегені анықталды.

Қазақстан Республикасының АК-нің 482-бабының 1-бөлігіне сай, энергиямен жабдықтау шарты бойынша энергиямен жабдықтаушы ұйым абонентке (тұтынушыға) жалғанған желi арқылы энергия беруге мiндеттенедi, ал абонент алынған энергия үшiн ақы төлеуге, сондай-ақ оны тұтынудың шартта көзделген режимiн сақтауға, өзiнiң қарауындағы энергетика желiлерiн пайдалану қауіпсіздігін және энергияны тұтынуға байланысты пайдаланылатын аспаптар мен жабдықтардың ақаусыздығын қамтамасыз етуге мiндеттенедi.

Қазақстан Республикасының АК-нің 272-бабына сәйкес міндеттеме-міндеттеме шарттары мен заң талаптарына сәйкес, тиісінше орындалуға тиіс деп көрсетілген баптар негізінде Жаңаөзен қалалық сотының шешімімен талап қоюшы «Өзен жылу» ММК-ның талабы толық қанағаттандырылып, жария шарт бойынша коммуналдық қызмет үшін төлемақы қарызы өндірілді. Бұл туралы Жаңаөзен қалалық сотының Баспасөз қызметі хабарлады.