Сот арқылы жер мемлекетке қайтарылды

Маңғыстау облысының мамандандырылған ауданаралық экономикалық сотында талап қоюшы «Маңғыстау облысының жердің пайдаланылуы мен қорғалуын бақылау басқармасы» мемлекеттік мекемесінің жауапкер жеке кәсіпкерден  жер учаскесін мәжбүрлеп алу туралы  талап қою арызы қаралды.

Сотта анықталғандай, жеке кәсіпкер Б-ға  Ақтау қаласы әкімдігінің 2007 жылыдң 26 желтоқсан күнгі қаулысымен  сауда кеңсе ғимаратының құрылысын салу және пайдалану үшін, көлемі 0,0390 га жеке меншік құқығымен жер учаскесі берілген. Уәкілеті органмен жүргізілген тексеріс нәтижесі бойынша Б-ның  жер учаскісін пайдаланбағаны  анықталып, жерді нысаналы мақсаты бойынша пайдалану жөнінде ескерту хаты тапсырылған.

Алайда жеке кәсіпкер өзіне берілген жер учаскесін осы уақытқа дейін игермеген және жерді алғандағы мақсатты орындамаған. Мұндай жағдайда, сот талап қоюшының жер учаскесін мәжбүрлеп алу туралы талабын толық қанағаттандырып,  жеке меншік құқығымен берілген жер учаскесі мәжбүрлеп мемлекетке қайтарып алынды. Шешім заңды  күшіне енді. Бұл туралы Маңғыстау облысының мамандандырылған ауданаралық экономикалық сотының баспасөз қызметі хабарлады.