Жастарды белсенділікке үндеді

Ақтау қаласы 14 шағын ауданындағы «Қоғамдық келісім» ғимаратында«Мұнайлы аудандық Азаматтық бастамасы» қоғамдық бірлестігімен Маңғыстау облыстық Ішкі саясат басқармасының әлеуметтік тапсырысы аясында «Халықтың арасында Қазақстан Республикасының мемлекеттік рәміздерін құрметтеу және патриотизмді орнықтырып құруға бағытталған іс-шараларды жүзеге асыру» жобасының аясында Қазақстан Республикасы Тәуелсіздігінің 25 жылдығына орай«I LOVE KZ» тақырыбында облыс жастары арасында флэшмоб ұйымдастырылды.

Флэшмоб облыстық ішкі саясат басқармасының өкілі, қалалық жастар орталығының мамандары, «Қоғамдық келісім» мекемесінің өкілдері, облыстың белсенді жастары мен БАҚ өкілдерінің қатысуымен өтті.  

Шараны ұйымдастырған«Мұнайлы аудандық Азаматтық бастамасы» қоғамдық бірлестігімамандарының мәлімдеуінше, «Жобаның негізгі мақсаты – облыс жастары аясында мемлекеттік рәміздерімізді насихаттау, патриотизмді арттыру, жастардың еліне, жеріне деген сүйіспеншілігін арттыру, қоғамға белсене арласуына ықпал ету.

Жиында облыс жастары қазақтың ұлттық биін билеп, мемлекеттік туды желбіретті.

Облыс жастары мемлекеттік рәміздер жайлы мағлұматтар алды, бірнеше би түрлерін биледі. Жастар биінен кейін викториналық ойындар ойнатылып, жастардың мемлекеттік рәміздер жайлы білімдері сынға алынып, сый-сыяпатпен марапатталды.

Сонымен қатар, жастар мемлекеттік әнұран мен патриоттық әндер жазылған үнтаспа мен мемлекеттік туымызды қала тұрғындарына, көлік жүргізушілеріне таратты.

 Шараға жастардың белсенді қатысуы – осындай шараларды жиі өткізіп тұру керек екендігінің бірден-бір дәлелі».

 Фото автора