Түпқарағандық полиция қызметкерлері бір жолаушы қаза болған жол-көлік оқиғасының куәгерлерін іздейді

Біздің басылым редакциясына Түпқараған аудандық ішкі істер бөлімінен келіп түскен хатта: «27.10.2016 ж. сағат 13:20 шамасында Ақтау қаласынан 24-ші шақырым С.Шапағатов селосына жақын маңда белгісіз жүргізуші мемлекеттік белгісі, сериясы анықталмаған, сарғыш түсті «Стейр» маркалы жүк автокөлігі Форт-Шевченко қаласы бағытынан Ақтау қаласы бағытына қозғалып келе жатып, өзінің алдында келе жатқан Изтлеуов Қанат Күмісбаевичтің (23.10.1982 ж.т.) басқаруындағы ақ түсті мемлекеттік тіркеу белгісі KZ 249 DZA12 « Lada» 21 705 168 - 31» маркалы автокөлігіне жол бермей, әрі қарай қозғалып кеткен.

Соның салдарынан Қ.Изтлеуовтың автокөлікке соқтығыспауға мүмкіндігі болмай, автокөлігін солға қарай бұру кезінде аударылып, жол-көлік оқиғасын жасап, бір жолаушы қайтыс болып, бір жолаушы ауруханаға жеткізіліген.

Оқиғаның қалай болғанын, оқиғаға кімнің кінәлі екенін анықтау мақсатында жол-көлік оқиғасының қалай болғанын көрген немесе жол-көлік оқиғасына қатысы бар «Стейр» маркалы автокөлігі мен оның иесі жөнінде қандай да бір мәліметтер білетін адамдар болған жағдайда, Түпқараған аудандық ішікі істер бөліміне төменде көрсетілген телефондарға хабарласуыңызды сұраймыз:

ұ.т. 8 778 517 97 28, 8 775 338 42 65» делінген.