«Ақтау - Жылы жағажай»бағыты бойынша маршрут іске қосылды

29 мамырдан бастап №6 «Ақтау-Жылы жағажай» бағыты бойынша маршрут іске қосылды, деп хабарлайды Қоғамдық коммуникация орталығы қала әкімдігінің баспасөз қызметіне сілтеме жасап.

Ақтау қалалық жолаушылар көлігі және автомобиль жолдары бөлімінің басшысы Асхат Нұрмұханның айтуынша, автобус 36ш/а орналасқан флагштоктан бастап «Tree of life» жағажайына дейін жолаушыларды тасымалдайды.

-Тұрғындар жаз мезгілінде теңізге көп барады. Сондықтан қала сыртындағы жағажайларға дейін жүретін №6 автобусты іске қостық. Аталған маршрут күніне 3 рет жолаушыларды тасымалдайды. Тағы бір айта кететін жайт, 1 маусым – балаларды қорғау күніне орай, аталған маршрут балаларға тегін қызмет көрсетеді,- деді ол өз сөзінде.

Айта кетейік, №6 «Ақтау-Жылы жағажай» бағытындағы автобус 9:00-10:20, 11:40-13:20 және 18:20-19:20 аралығында жүреді.