Маңғыстауда «Каспий көкжалы» өтеді

Ақтауда 6 мамыр күні Астана күніне орайластырылған «Қазақстан барысы» республикалық турниріне Маңғыстау облыстық «Каспий көкжалының» іріктеу жарысы өтеді, деп хабарлайды Қоғамдық коммуникация орталығы.

 «Қазақстан барысы» турниріне қатысуға спортшылар ауылдық, аудандық және облыстық іріктеулерден өтті. Маңғыстау облысында екі қала, бес ауданнан жалпы 21 спортшы іріктелді. Сондай-ақ, алдыңғы жылғы 1,2-орын иеленген балуандар, жалпы алғанда 18 жастан жоғары ересектер арасында 90 келіден жоғары барлығы 23 спортшы бақ сынайды. Айта кетсек, 2022 жылы «Қара бура» лақап атымен танымал маңғыстаулық Нұрдаулет Жарылғапов «Қазақстан барысы» турнирінің күміс жүлдегері атанды.