Әскери теңіз күштерінің матростары дауыс берді

Ақтау гарнизонындағы әскери теңіз күштерінде отан алдындағы борышын өтеп жатқан матростар ҚР Парламент Мәжілісі мен барлық деңгейдегі мәслихаттар депутаттарының кезектен тыс сайлауына белсенді қатысты.

Әскери теңіз базасы штабтық батальонының комендаттық ротасының матростары, әртекті кемелер дивизионы, десанттық-шабылдау батальонының 280-ге жуық мерзімді әскери қызметшілері өз таңдауларын жасап, ел болашағы үшін дауыс берді

 – Елімнің жарқын болашағы үшін, өз елімнің азаматы ретінде өз таңдауымды жасадым. Мен барша Қазақстан Республикасының азаматтарын дауыс беру арқылы еліміздің әлеуметтік-экономикалық дамуына үлес қосуға шақырамын, – деді Жамбыл облысының тумасы матрос Мұқағали Балтабаев

Айта кетейік, Ақтау гарнизонының 1800-ге жуық мерзімді қызметтегі сарбаз №61 сайлау учаскесінде өз таңдауларын жасап, белсенділік көрсетті.