Светқали Нұржан «30 жыл 30 есім» ұлттық жүлдесінің иегері атанды

ҚР Ақпарат және қоғамдық даму министрлігінің қолдауымен «Қазақстан» телерадиокорпорациясы ұйымдастырған «30 жыл 30 есім» ұлттық байқауының жеңімпаздары анықталды. Жерлесіміз ақын, мемлекеттік "Дарын" сыйлығының лауреаты, "Құрмет" орденінің иегері Светқали Нұржан үздік «Әдебиет» аталымы  бойынша марапатталды.

«30 жыл 30 есім» есім байқауының жеңімпаздары – халықтың таңдауы. «Қазақстан» ұлттық арнасының ресми сайты арқылы дауыс беруге бір аптаның ішінде 962 858 қазақстандық қатысты. Үздіктердің есімі 2021 жылғы 23-30 қараша аралығында qazaqstan.tv сайты арқылы жүргізілген дауыс беру кезеңінде анықталды.

 Телевизиялық жүлде Тәуелсіздіктің 30 жылдығына орай соңғы 30 жылда әр салада жетістікке жеткен бірегей тұлғаларға табысталды.