Жаңаөзен қаласында үрмелі спорт нысаны бой көтереді

Бұл туралы Қоғамдық коммуникация орталығында өткен брифингіде Маңғыстау облысы дене шынықтыру және спорт басқармасының басшысы Қанат Жұмабаев мәлім етті.

Оның айтуынша, жаңа ғимарат Жаңаөзен қаласында «Самрұқ-Қазына» ұлттық әл-ауқат қоры» АҚ демеушілігімен салынады. Жоба құны барлығы 240 млн теңгені құрап отыр. Қазір құрылыс жұмыстары жүргізіліп жатыр. Нысан қыркүйек айында пайдалануға беріледі деп жоспарлануда.

 «Жаңаөзен қаласында жалпы спорт саласындағы 10 жоба қолға алынған. Оның 2-уі - спорт зал құрылысы, жыл соңына дейін пайдалануға берілуі тиіс. Айта кетейік, спорттық нысандар Маңғыстау облысының басқа да аудандарында салынып жатыр. Атап айтқанда, Ақтау қаласындағы «Бокс орталығы» ғимараты, Түпқараған ауданы, Ақшұқыр ауылындағы «Сүлеймен Промоушен» спорт кешендері», - деді Қанат Жұмабаев.