Ұлттық жол сапа орталығы «тәжірибелі» студенттерді жұмысқа тұрғызады

Қазақстанда жол саласында дипломы бар қызметкер тапшылығы мәселесі айтылып жүр.

Ресми деректерге сүйенсек, орта есеппен 3 мыңға тарта маман қажет. Барлық өңірде жол шеберлері, инженер-сметашы, зертханашылар, жол құрылысы инженерлері, автогрейдер жүргізушілері, механизаторлар тағы басқа мамандықтар бойынша адам жетіспейді.

Отандық 30-жуық университет және 40-тан астам колледж жол саласы бойынша маман даярлаумен айналысады. Олардың қатарында Шахмардан Есенов атындағы Каспий мемлекеттік технологиялар және инжиниринг университеті мен Халел Өзбекғалиев есімі берілген политехникалық колледж де бар.

Өткен жылдан бері аталған арнаулы орта оқу орнының екі студенті айына 80 мың теңгеден астам шәкіртақы алып, ұлттық жол сапа орталығының Маңғыстау филиалында тәжірибе жинады.

Бүгінде олар оқу бітіріп отыр. Бірі отан алдындағы борышын өтеуге әскер қатарына алынды. Жақындарына оралған соң филиал ұжымына қосылады деп күтілуде. Ал колледжді «Қызыл дипломмен» аяқтаған Оразалы Ақылбековпен ең келісімшарты жасалды.

«Алматы облысындағы орта мектепті аяқтап, Ақтауға оқуға түстім. Былтырдан бері жолдамамен осы орталықта ақылы тәжірибеден өттік. Жолдардың сапасын бақылаушы мамандармен бірге трассаларға тексеру шараларына үнемі қатысып, осы мамандықтың қыр-сырын меңгердім. Ғимараттағы және жылжымалы зертхана қызметімен танысып, түрлі құрал-жабдықтарды басқару тетіктерін үйреніп алдым. Қуанышымды шек жоқ, мен жұмысқа алып жатыр. Жалақысы да жоғары. Өзіме жүктелген сенімді ақтауға уәде беремін», - деді ол.

Білікті маман тапшылығы мәселесі тек қана орталыққа ғана емес, көлік жолдарын салу, жөндеумен айналысатын мердігер мекемелерге де тікелей қатысты. Олардың жұмысын қабылдап алатын жергілікті әкімдіктердің «жолаушылар көлігі және автомобиль жолдары» бөлімдерінде де жолшы мамандығын меңгерген қызметкер саны аз.

Яғни, ұлттық жол сапа орталығы өзіне қарасты мекемелерде тәжірибе жинаған колледж-университет түлектерін әріптес мердігер мекемелер мен әкімдіктерге де жолдай алады.

2020 жылы орталық тарапынан «1000 мектеп» жобасы қолға алынған.