Маңғыстаулық білім саласы қызметкерлері облыстық семинарда басқосты

«Маңғыстау облыстық Кәсіподақтар орталығы» АКБ мәжіліс залында «Қазақстандық салалық білім және ғылым қызметкерлері кәсіптік одағының Маңғыстау облыстық ұйымы» ҚБ-нің ұйымдастыруымен бастауыш ұйымдар төрағалары мен есепшілері арасында ауқымды семинар болып өтті.

Бұл туралы біздің басылымға «Маңғыстау облыстық Кәсіподақтар орталығы» АКБ баспасөз қызметі забарлады.

Жиынды «Қазақстандық салалық білім және ғылым қызметкерлері  кәсіптік одағының Маңғыстау облыстық ұйымы» ҚБ-нің төрайымы Тарбия Анайбекқызы Баймбетова  және құқықтық қызметтер жөніндегі бас маманы Наталья Станиславовна Храмова  жүргізді.

Семинар барысында педагогикалық қызметкерлердің әлеуметтік және кәсіби мәртебесін, олардың әлеуметтік қорғалу деңгейін арттыруға қатысты Қазақстан Республикасының «Педагог мәртебесі туралы» Заңы, білім және ғылым саласындағы қызметшілерді аттестаттаудан өткізу қағидалары мен шарттарын бекіту туралы ҚР Білім және ғылым министрінің 2016 жылғы 27 қаңтардағы №83 бұйрығына өзгерістер енгізу және    бастауыш кәсіподақ ұйымдары төрағаларының жылдық есеп беру нысандары туралы сөз қлзғалды.

Сонымен қатар, қатысушылар арасында еңбек жалақысына қосылатын пайыздар, сауықтыруға төленетін жәрдемақы туралы өзге де мәселелер талқыланып,  кәсіби түрде түсініктемелер берілді.

Кәсіподақ белсенділері «Маңғыстау облыстық Кәсіподақтар орталығы» АКБ төрағасы Мейржан Тумановқа көкейде жүрген сұрақтарын қойып,  тұщымды жауап алды.

Семинар соңында қатысушыларға әдістемелік құралдар, мүшелік билеттер және хаттама мен жұмыс берушінің актілерінің екі тілдегі үлгі нұсқалары  таратылды.

Суреттерді түсірген баспасөз қызметі