Ақтау қалалық прокуратурасы ескертеді

Қалалық прокуратура қызметкерлері азаматтардың заңды құқығын қорғау жолында қызмет етуде. Күнделікті өмірде қоғамда кез-келген адам түрлі заң бұзушылықтармен бетпе-бет кездесіп, өзінің де заңды құқығының аяқасты болуынан зардап шегетіні жасырын емес.

Осындай сәттерде кейбір азаматтар қайда, кімге барып, мұңын шағып, бұзылған құқығын қорғауға көмек сұрарын білмей дал болатыны да белгілі.

Сол себепті Ақтау қалалық прокуратурасы қала тұрғындарына бұзылған құқықтары туралы шағымдарын білдіру үшін кез-келген байланыс операторынан тегін түрде 115 номерін теру арқылы Қазақстан Республикасы Бас Прокуратурасының CALL-Орталығына хабарлауды ұсынады.

Прокуратура органы әрбір азаматтың заңды құқығын қорғауға дайын. Ол үшін кез-келген заң бұзушылықтан жапа шеккен тұрғынның белсенді әрекеті ғана қажет. Өз құқығыңыздың сақталуы үшін күресе білуден жалықпаңыз, ардақты ағайын!