Аудан жастары сот жүйесінің жаңалықтарымен танысты

Түпқараған аудандық соты аудан жастарын сот жүйесіндегі жаңалықтарымен таныстырды. Аудандық соттың төрағасы Н.Тұржанов кездесу барысында жастарға сот жүйесінің жұмысына қатысты және сот жұмысының дамуына бағытталған ҚР-сы Жоғары Сот төрағасының 7 түйіні туралы айтты.

Кеңсе меңгерушісі Г.Ниязбаевасотқа келушілерге алдымен сотта болу қағидасымен таныстырып, сот кеңсесінің жұмысын соттағы IT-технологиялармен барлық істердің 100% дыбыс-бейне жазба құрылғыларымен қаралатынын, «Сот кабинеті» интернет сервисі туралы «Төрелік» ақпараттық жүйесі жөнінде айтып өтті.

ҚР-сы Жоғары Соты бастамасымен жүргізіліп жатырған пилоттық жобаға сай сот ғимаратынан және ауданның «НұрОтан» партиясы ғимаратынан медиация кабинеттері ашылған.  

Сот жүйесінде цифрландыру мен инновациялық технологияларды қолдануды дәріптеу аясында бірқатар іс-шаралар өткізуде. Аудандық соттың төрағасы Н.Тұржановтың бастамасымен Түпқараған ауданы әкімінің қолдауымен, аудан прокуроры және АІІБ-нің бастығы бірлесіп Ынтымақтастық туралы меморандумға қол қойды.

«Виртуалды сот» жобасын жүзеге асыруға, сот істері мен материалдарды виртуалды режимде қарау мақсатында ауданның Сайын, Ақшұқыр, Таушық сияқты алшақ ауылдық округтері әкімдіктерінің ғимараттарына бейнеконференцбайланыс құрылғыларымен Түпқараған аудандық сотымен онлайн режимде 2 азаматтық іс, 1 құжат және 23 әкімшілік іс қаралған. Бұл жоба процеске қатысушылардан оң нәтиже берді.

Аудан жастары көкейінде жүрген сауалдарына жауаптар алып, ұйымдастырушыларға жылы шыраймен қарсы алғандары үшін алғысын айтып жұмыстарына сәттілік тіледі.

Түпқараған аудандық сотының баспасөз қызметі

Суретті түсірген Түпқараған аудандықсотының баспасөз қызметі