Парасаттылық оқу дәрісі өтті

13 Сентября 2019 (09:19) | 1931 | Автор: Нурганым Имашева

Мемлекеттік басқару Академиясының Маңғыстау облыстық филиалында лекторлық пул мүшелеріне арнайы оқу дәрісі өтті. Бұл туралы ҚР Мемлекеттік қызмет істері агенттігінің Маңғыстау облысы бойынша департаментінің баспасөз қызметі хабарлайды.

-Дәрісте ҚР 2015-2025 жылдарға арналған сыбайлас жемқорлыққа қарсы стратегиясының орындалысы бойынша айтылып, «Маңғыстау – адалдық алаңы» жобалық кеңсесінің қызметі мен бағыттары бойынша кең көлемде түсінік берілді.

Дәрістің басты мақсаты - еліміздің дамыған мемлекеттер қатарына еніп, халықтың сенімін ақтап, кәсіби мемлекетті құру жолында қоғамды адалдық пен парасаттылық қағидаттарына тәрбиелеу.

Осы мақсатта Департамент жанынан қоғамның белсенді өкілдері мен жастардан, ЖОО оқытушыларынан құрылған лекторлық пул мүшелері облыс көлеміндегі барлық білім беру мекемелерінде, еңбек ұжымдарында парасаттылық мектептері негізінде тұрақты түрде жұмысын жүргізетін болады,- деп мәлімдейді департаменттің баспасөз қызметі.

Суреттерді түсірген департаменттің баспасөз қызметі