Төтенше жағдайлардың алдын алу және жою жөніндегі комиссиясының отырысы өтті

Жуырда Маңғыстау облысы әкімінің орынбасары Р.К.Сакеевтің төрағалығымен Төтенше жағдайлардың алдын алу және жою жөніндегі комиссиясының отырысы өткізілді. Жиынға бейне селекторлық режимінде қала, аудан әкімдері қатысты.

Мәжілістің күн тәртібіндегі қаралған сұрақтар: «Каспий теңізі жағалауында орналасқан жағажай, демалыс базаларындағы судағы қауіпсіздікті қамтамасыз ету мәселесі», «Өрт қауіпті кезеңдегі Маңғыстау облысы аумағында өрт қауіпсіздігін сақтауға арналған дайындық шаралары туралы мәселесі».

Бірінші сұрақ бойынша отырыста слайдтық көрсетіліммен Маңғыстау облысы ТЖД бастығының орынбасары Мұханбетов Манарбек Хамидоллаұлы өз баяндамасында Каспий теңізінде 2017 жыл барысында орындалған шаралар мен судағы болған жағдайларды атап өтіп, аталып өткен жағдайларды болдырмауға бағытталған алдын алу кешенді іс-шараларына тоқталып кетті.

Екінші мәселе бойынша Маңғыстау облысы ТЖД бастығының орынбасары  Мұханов Мұрат Сейтмолдаұлы 2017 жылы облыс көлемінде орын алған дала өрттері, дайындық шаралары туралы айтып, алдағы уақытта мемлекеттік өрт сөндіру бөлімдері жоқ елді-мекендерде жергілікті атқарушы органдардың өрт бекеттерін ашуды жандандыруды, космостық талдау жасауды еңгізуге аса көңіл бөлудің қажеттігі туралы баяндады.

-Комиссия төрағасымен қала және аудан әкімдеріне, мекемелер мен басқарма басшыларына, жағажайлар мен демалыс базаларының иелелеріне суға шомылу және өрт қауіпті кезеңдерінде қауіпсіздікті қамтамасыз ету жөніндегі нақты тапсырмалар берілді,- деп хабарлайды біздің басылымға бұл ақпаратты жолдаған Маңғыстау облысы ТЖ Департаментінің баспасөз қызметі.

Суреттерді ұсынған Маңғыстау облысы ТЖ Департаментінің баспасөз қызметі