Қарақия ауданында Әдеп кодексі талабын сақтау бойынша семинар-кеңес өтті

Ағымдағы жылдың 13 наурызында Қарақия ауданы әкімі аппаратында Әдеп кодексі талабының сақталуы және мемлекеттік көрсетілетін қызметтер бағыты бойынша семинар-кеңес ұйымдастырылды.

Семинар-кеңеске ҚР Мемлекеттік қызмет істері және сыбайлас жемқорлыққа қарсы іс-қимыл агенттігі Маңғыстау облысы бойынша департаментінің мемлекеттік қызмет саласындағы бақылау басқармасының басшысы Н.Долдашев пен Маңғыстау облысы әкімі аппаратының әдеп жөніндегі уәкілі Е.Иса, Қарақия ауданына қарасты мемлекеттік мекеме қызметкерлері және БАҚ өкілдері қатысты.

Алғашқы болып сөз алған Маңғыстау облысы әкімі аппаратының әдеп жөніндегі уәкілі Е.Иса Қазақстан Республикасы мемлекеттік қызметшілерінің Әдеп кодексінің талабына және әдеп жөніндегі уәкілдің атқаратын қызметіне тоқталып өтті.  

Өз кезегінде аумақтық департаменттің мемлекеттік қызмет саласындағы бақылау басқармасының басшысы Н.Долдашев Әдеп кодексінің сақталуы бойынша атқарылған іс-шаралар жөнінде және мемлекеттік органдардағы мүдделер қақтығысының алдын алу, оларды жою жолдары туралы, сондай-ақ мемлекеттік көрсетілетін қызметтер бағыты бойынша баяндама жасады.   

Қайнар: ҚР Мемлекеттік қызмет істері және сыбайлас жемқорлыққа қарсы іс-қимыл агенттігінің Маңғыстау облысы бойынша департаментінің баспасөз қызметі

Суреттерді түсірген Департаменттің баспасөз қызметі