Маңғыстауда жануарлардан жарақаттанғандар саны өскен

2017 жылы Маңғыстау облысында жануарлар тістеп, тырнап тастаған 1 796 адам тіркеліп, дәрігерлердің көмегіне жүгінген. Бұл 2016 жылмен салыстырғанда бес жағдайға көп.

Бұл туралы Маңғыстау облыстық ауруханасы травматология және ортопедия бөлімінің меңгерушісі Жансерік Шаухымбердиев мәлімдеді.

Жан-жануарлардан жапа шеккендердің арасында 455 адаммен Мұнайлы ауданының тұрғындары көш бастап тұр (2016 жылы-422 адам).

Жаңаөзенде 453 адамға жергілікті және жабайы жануарлар шабуыл жасаған (2016 жылы-501).

Облыс орталығында 354 адам жарақат алса, 2016 жылы 325 болатын.

Ең төмен көрсеткіш Маңғыстау ауданына тиесілі, 2017 жылы-84 адам, 2016 жылы-65 адам жануарлардан жапа шегіп, медициналық көмек алған.

-Өткен жылы 1567 иттер, 164 мысық, 2 жылқы, 4 сиыр, 7 қасқыр, 10 түлкі және 42 басқа да шағын дала жануарлары адамдарға шабуыл жасаған. 2016 жылмен салыстырғанда қасқырлардың, түлкілер мен кеміргіштердің жоғары белсенділігі байқалды.

Салыстырмалы түрде 39-ға жағдайға көбейіп отыр. Жалпы жануарлар жарақаттағанда бірінші кезекте жедел жәрдем шақырту қажет.

Ит қапқаннан соң науқас кемінде 72 сағат аралығында дәрігерлік көмек алуы тиіс. Өйткені, дерт қоздырғышы осы уақыт ішінде жарақат айналасында тұрады да, сосын барып жүйке жүйесіне қарай жылжиды,-дейді Маңғыстау облыстық ауруханасы травматология және ортопедия бөлімінің меңгерушісі Жансерік Шаухымбердиев.

Суреттер islam.ru сайтынан алынған