Маңғыстау облыстық прокуратурасы ҰОС ардагеріне құрмет көрсетті

Ардагерге құрмет көрсету, жас өрендерге олардың ерлік, елдік істері арқылы тәрбие беру – аға ұрпақтың төл міндеті.

-Облыс прокуроры Сартаев Дастан Шаймерденұлының ықпалымен Ұлы Отан соғысының ардагері Қожанов Даражатқа, Ақтау қаласының жаңа шағын-ауданынан тұрғын үй берілді.

91 жастағы соғыс ардагерін облыс прокуроры арнайы құттықтап барып, майдангерге ақ тілегі мен жылы лебізін, бейбіт өмір үшін алғыс білдірді.

Елімізге бейбітшілік пен тыныштық сыйлаған ардагердің ерліктері ешқашан да ұмытылмайды. Кейінгі ұрпақ майдангерлердің ерлігіне лайық болып, оларға осынау бейбіт өміріміз үшін мәңгі қарыздар екенін ұмытпағаны абзал, - делінген біздің басылымға Маңғыстау облысы прокуратурасының баспасөз қызметі жолдаған хабарламада.