Мас күйде көлік басқарған

Қарақия аудандық сотында Б-ға қатысты әкімшілік іс қаралды. Сотта анықталғандай, азамат Б. «Ақтау-Жетібай» тас жолында автокөлігін алкогольдік масаң күйде жүргізген жерінен полиция қызметкерлерімен ұсталған. Тексеру барысында оның көлік жүргізу куәлігі жоқ екені анықталған, яғни жүргізуші алкогольден масаң күйде көлік құралын жүргізу құқығы жоқ бола тұра автокөлік жүргізген.

Қарақия аудандық сотының қаулысымен Б. ҚР ӘҚБтК-нің 608-бабының 1-бөлігімен кінәлі деп танылып, оған көлік құралын жүргізу құқығынан 3 жыл мерзімге айыру жазасы қолданылды. Қаулы заңды күшіне енген жоқ. Бұл туралы Қарақия аудандық сотының Баспасөз қызметі хабарлады.