Ақтау қаласы прокуратурасының наразылығымен сот қаулысы өзгертілді

Заңдылықтың сақталуын қадағалау органынан келіп түскен хабарламаға сай, Ақтау қалалық сотының 20.01. 2017 жылғы қаулысымен Б.Амандыковқа Қазақстан Республикасының 13.12.2016 жылғы №27-VI «Қазақстан Республикасы Тәуелсіздігінің 25 жылдығына байланысты рақымшылық жасау туралы» Заңына сай, Ақтау қалалық сотының 06.06.2016 жылғы айыптау үкімімен  ҚР ҚК- нің 366 бабы 2 бөлігімен параның алпыс еселенген сомасы мөлшерінде салынған 14 800 000 тенгенің төрттен бірін, яғни 3 700 000 (үш миллион жеті жүз) теңгесін қысқартқан болатын.

-Аталған Заңның 4-бабының 2-бөлігінің талабына сай, ауыр қылмыстар бойынша өтелмеген жазаның 4/1 мерзімі қысқартылуға тиісті. Алайда, сот Заңның осы талабын сақтамай, айыппұл түрінде белгіленген жазаға да қолданған.

Сондықтан қалалық прокуратурамен жеке наразылық беріліп, нәтижесінде 16.02.2017 жылғы апелляциялық соттың қаулысымен наразылық толық қанағаттандырылды, - деп хабарлайды Ақтау қаласының прокуратурасы.